АНУ-ын Номхон Далайн Эдийн Засгийн Хамтын Ажиллагааны Хорооны (АНУПЕКК) Удирдах Зөвлөл бөгөөд Колумбын Их Сургуулийн доктор, профессор Хью Патриктай уулзалт семинар 2008 оны 6 сарын 6-ны өдөр Гадаад Хэргийн Яамны “Итгэмжит” олон улсын хурлын танхимд болж өнгөрлөө. Номхон Далайн Эдийн Засгийн Хамтын Ажиллагааны Монголын Үндэсний Хорооны (МОНПЕКК) Ерөнхий Нарийн Бичгийн Дарга Д.Жаргалсайхан үг хэлж семинарыг нээв. Мөн МОНПЕКК-ийн Удирдах Зөвлөлийн гишүүн, МУИС-ийн ЭЗС-ийн захирал доктор Ч.Хашчулуун Монгол Улсын эдийн засгийн сэдвээр, ГХЯ-ны Хэвлэл, мэдээллийн хэлтсийн дарга Ж.Сэрээжав “Монголын Азийн бодлого” сэдвээр тус тус илтгэл тавилаа.

Тус семинарт МОНПЕКК-ийн үйл ажиллагаа, Монголын гадаад бодлого, эдийн засгийн сэдвээр санал солилцох, Номхон далайн эдийн засгийн хамтын ажиллагаанд Монгол улс хэрхэн үйл ажиллагаагаа идэвхжүүлэх талаар зочин профессортой санал солилцов.
Доктор, профессор Хью Патрик нь Японы эдийн засаг, Зүүн Азийн эдийн засгийн чиглэлээр мэрэгшсэн, энэ чиглэлээр судалгаа, шинжилгээний арвин их туршлагатай бөгөөд тус семинарт оролцогчид дээрх сэдвийн хүрээнд болоод Монголын ПЕКК болон АПЕК-ийн орнуудтай харилцах улс төр, эдийн засгийн бодлогын талаар санал солилцлоо.




Зүүн гар талаас: доктор Хью Патрик, зочин Кевин Ф. Нолан